Sport

Presidenti Krasniqi priti ambasadorin britanik, Nicholas Abbott

Presidenti i Komitetit Olimpik të Kosovës, Ismet Krasniqi, i shoqëruar nga këshilltari i tij, Besim Aliti, kanë pritur ambasadorin e Britanisë së Madhe në Kosovë, Nicholas Abbott.

Presidenti Krasniqi duke falënderuar ambasadorin Abbott për vizitën, e njohu me sfidat e sportit të Kosovës dhe përgatitjet që KOK-u po i bënë para pjesëmarrjes në Lojërat Olimpike Tokio 2020.

Ambasadori Abbott, që shoqërohej nga pronari i Kompanisë Vlera Sport, Faton Paqarada, ka uruar presidentin Krasniqi për zgjedhjen në krye të KOK-ut, derisa ka mbetur i entuziazmuar me të arriturat e sportit të Kosovës në arenën ndërkombëtare.

Ambasadori uroi ekipin olimpik të Kosovës me në krye kampionen olimpike, Majlinda Kelmendi, të kthehet me medalje olimpike edhe nga Tokio 2020.

Të dyja palët shprehën vullnetin dhe gatishmërinë për të bashkëpunuar edhe në të ardhmen, në përkrahjen për KOK-un dhe federatat sportive në Kosovë.

Presidenti Krasniqi i ndau figurën “Vrapuesja Ilire”, si dhe një orë të Lojërave Olimpike Tokio 2020.

Related Articles

Leave a Reply

Back to top button