Sport

Peja e Ylli i duan fitoret e para në shtëpi

Pejanët e presin Ponten e therandasit Rahovecin, në duelet e treta gjysmëfinale të “play-offit” të FIVE STAR Superligës së Kosovës në basketboll.

Peja dhe Golden Eagle Ylli do t’i zhvillojnë në shtëpi duelet e treta gjysmëfinale të “play-offit” në FIVE STAR Superligën e basketbollit.

Aktualisht, seria e ndeshjeve në dy çiftet gjysmëfinale është e barabartë 1-1, shkruan Gazeta Express.

Andaj, pejanët dhe therandasit do të mundohen t’i regjistrojnë fitoret e dyta në këtë fazë, respektivisht të parat në shtëpi.

Verdhezinjtë u mposhtën nga Ponte Prizreni në sekondat e fundit dhe pas vazhdimeve në duelin e dytë gjysmëfinal.

Peja e ylli i duan fitoret e para në shtëpi

Ndërkaq, therandasit e fituan përballjen e dytë me Rahovecin në udhëtim duke barazuar gjithçka.

Mirëpo, as Rahoveci e Ponte Prizreni nuk do të rrinë duarkryq.

Edhe këto skuadra i kanë bërë llogaritë e tyre dhe po ashtu e kanë objektiv shkuarjen tutje.

E tash, e premtja do ta përcaktojë skuadrën që do t’i afrohet edhe më shumë finales së madhe.

Siç dihet, ekipi që i fiton tri ndeshje e siguron kualifikimin në finale.

Related Articles

Leave a Reply

Back to top button