AutoLife Style

Aksidenti vdekjeprurës i shkaktuar nga Tesla, Model S – kompania thotë se ka gjasa që dikush kishte qenë duke drejtuar automjetin

Shefi ekzekutiv i kompanisë Tesla, Elon Musk, tha të hënën se Modeli S i makinës që u përplas vetëm jashtë Hjuston, Teksas, në fillim të këtij muaji, duke pësuar vdekjen e dy njerëzve, nuk ishte në Autopilot – dhe se çdo sugjerim ndryshe ishte “plotësisht i rremë”.

Sipas medieve të huaja, përcjell Telegrafi, Lars Moravy, nënkryetari i inxhinierisë së automjeteve në Tesla, shtoi se ai mendonte se ka gjasa që ishte dikush në vendin e shoferit në kohën e përplasjes vdekjeprurëse, duke kundërshtuar zbatimin e ligjit vendas.

Më 17 prill, një makinë Tesla, Model S kapërceu një bordurë, u përplas me një pemë dhe shpërtheu në flakë, duke vrarë dy persona.

Aksidentohet tesla 'pa shofer', vdesin dy pasagjerë
Aksidentohet Tesla ‘pa shofer’, vdesin dy pasagjerë

Një polic i Qarkut Harris, i tha stacionit televiziv vendor KHOU më 18 prill, se hetuesit ishin “100 për qind të sigurt që askush nuk ishte në vendin e shoferit duke drejtuar atë automjet në kohën e goditjes”.

Një oficer i lartë i Qarkut Harris tha më 19 prill që dëshmitarët kishin sugjeruar që askush nuk ishte duke drejtuar automjetin më herët gjatë udhëtimit të tij. /Telegrafi/

Related Articles

Leave a Reply

Back to top button