Lajmet e funditVendi

485 ushtarë britanikë Gurkha zhvillojnë aksion me KFOR-in në Kosovë

Rreth 485 ushtarë të Batalionit të Parë, Royal Gurkha (1RGR), me bazë në Folkestone, bashkë me Brigadën 16, Sulmues Ajrorë, në partneritet me KFOR -in dhe aleatët e NATO-s, kanë marrë pjesë në OPREH, e organizuar në Kosovë. Siç njofton faqja e ushtrisë britanike, OPREH është shkurtesa e Provës Operative dhe paraqet demonstrimin e efektivitetit të trupave britanike në ngritjen e shpejtë masive në një rajon, duke mbështetur të aleatët e tyre.

Siç bëhet e ditur nga faqja e ushtrisë britanike, në këtë aksion morën pjesë ushtarë edhe nga gjashtë vende të tjera; Turqia, Italia, Greqia, Bullgaria, Shqipëria dhe Maqedonia e Veriut. Duke folur për vendosjen e fundit të batalionit të tij, oficeri komandues i 1RGR, nënkolonel Ed Oldfield, tha se 1RGR mbahet në gatishmëri si Forca e Reagimit Strategjik për misionin e NATO -s në Kosovë.

“Ky mision na sheh të përgatitur për t’u vendosur në Kosovë për të ndihmuar në sigurimin e një mjedisi të sigurt për popullin kosovar. Kjo provë operacionale është çelësi për përgatitjen e Batalionit. Përsëritja e vendosjes së pajisjeve dhe personelit, si dhe trajnimi sfidues që kemi kryer së bashku me partnerët e NATO -s, ka demonstruar gatishmërinë tonë për të përmbushur rolin tonë.”

Tutje në faqen e ushtrisë britanike thuhet se në thelb OPREH është një vërtetim bindës i angazhimit të Mbretërisë së Bashkuar për të kryer operacione dhe stërvitje rutinore anembanë Evropës. “OPREH gjithashtu siguron një kujtesë të fuqishme për çdo kundërshtar që do të dëshironte të përfitonte nga një rajon që është në gjendje transformimi; 485 Gurkhas të trajnuar shumë mund të kenë një efekt mjaft mbytës”, shkruan Armymod.uk, transmeton Klankosova.tv.

Shpjegohet edhe se, si Mbretëria e Bashkuar ashtu edhe partnerët e tyre evropianë përfitojnë nga një Ballkan Perëndimor i sigurt, i qëndrueshëm dhe i begatë.

Related Articles

Leave a Reply

Back to top button