Lajmet e funditVendi

Tahiri përplaset me Kusarin-Lilën: Po punësoni familjarë e militantë, çfarë qëndrimi keni për Marrëveshjen e Washingtonit

Shefi i Grupit Parlamentar të Partisë Demokratike të Kosovës (PDK), Abelard Tahiri, ka debatuar me u.d e Grupit të VV-së, Mimoza Kusari-Lilën për ish-kryetaren e KQZ-së Valdete Dakën, raporton Ekonomia Online.

Fillimisht Kusar-Lila ka inkurajuar qytetarët që të aplikojnë për pozita të ndryshme shtetërore.

Pas kësaj ka reaguar shefi i Grupit Parlamentar të PDK-së, Abelard Tahiri.

Tahiri ka përmendur rastin e fundit të shkarkimit të Valdete Dakës nga drejtimi i Komisionit Qendror Zgjedhor.

Tahiri tha se nuk ka dekorajim më të madh për gratë në Kosovë sesa kur shihet ndërprerja e mandatit të një gruaja siç ka qenë Valdete Daka, mandati i së cilës është ndërprerë nga udhëheqja e tanishme.

“Ky Grup Parlamentar dhe kjo zonjë po përçojnë mesazhet më të këqija për profesionistët dhe gratë në Kosovë. Ky degradim që ka filluar nga institucionet me shkarkimin e profesionistëve dhe sjelljen e familjarëve e militantëve është i papranueshëm dhe si opozitë do ta kundërshtojmë në çdo moment, me çdo mjet të mundshëm që në posedojmë si opozitë”.

Ai ka pyetur poashtu se cili është qëndrimi i Qeverisë për marrëveshjen e Washingtonit, raporton EO.

“Tashmë kanë fillur hapa konkret nga partnerët tanë, siç ishte para dy ditëve sjellja e një plani për Ujmanin. Ne e dimë se kryeministri pati deklaruar se është listë zotimesh, jo marrëveshje”.

“Ndërsa të tjerë që kanë deklaruar se nuk ka bazë juridike të implementohet.Cili është pozicioni i Republikës së Kosovës, a do të fillojë implementimi i kësaj marrëveshje apo jo?”.

Tahiri përplaset me kusarin-lilën: po punësoni familjarë e militantë, çfarë qëndrimi keni për marrëveshjen e washingtonit
Tahiri përplaset me kusarin-lilën: po punësoni familjarë e militantë, çfarë qëndrimi keni për marrëveshjen e washingtonit » lajmet e fundit - arenamedia & production - arenamedialetv

Related Articles

Leave a Reply

Back to top button