Lajmet e funditVendi

Kërkohet shkarkimi i ministres Donika Gërvalla

Historiani dhe artisti kosovar, Genc Prelvukaj, ka kërkuar që ministrja Donika Gërvalla të lirohet nga detyra e saj prej kryediplomateje,  pasi Prelvukaj thotë se ajo është e paaftë për detyrën e saj.

Prelvukaj thotë se në kohën kur do të duhej një angazhim energjik, Kosova ka në krye të diplomacisë në njeri të paaftë.

“E para e diplomacisë së Kosovës, znj.Gërvalla Schwarz, duhet të lëvizë nga vendi menjëherë. Kemi njeriun më të paaftë në detyrë, në kohën kur do të duhej të vihej në veprim çdo energji dhe dije kundrejt çështjeve të pazgjidhura në rrafshin ndërkombëtar”, ka shkruar Prelvukaj.

Ai tutje thotë se MPJ-ja është në përgjumje të thellë, teksa ka përmendur deklaratën e më hershme të Gërvallës për mediumin zviceran.

“Vihet re një përgjumje e rëndë tek institucioni që drejton. Deri më tani dallohet vetëm për Intervista skandaloze siç ishte rasti në mediumin zvicerian, deklarata të papranueshme mbi drejtuesit e luftës, për gabime të rënda në përmbajtje gjatë reagimeve në rrjete sociale, në të shprehur, përkthim, ngatërrime flamujsh e kështu me radhë”, ka shtuar tutje.

Në fund ka përmendur edhe shkarkimin e ambasadorëve, dhe thotë se pas këtij veprimi, sipas tij skandaloz, Gërvalla duhet liruar nga detyra.

:”Pastaj shkarkoi një numër ambasadorësh në grup, pa bëjë një matje dhe analizë mbi punën e tyre. La bosh ambasadat në shumë vende me ndikim, që është skandal i llojit të rrallë. Për njohje dhe rezultate tjera as që bëhet fjalë.

Duhet të lirohet nga detyra!”, ka përfunduar Prelvukaj./Express/

Related Articles

Leave a Reply

Back to top button