Lajmet e funditVendi

Gricourt: Asociacioni temë e gabuar

Presidenti i Francës, Emmanuel Macron të mërkruën në mbrëmje pret në takim bilateral kryeministrin e Kosovës, Albin Kurti.

Takimi në Pallatin “Elysse” vjen në një kohë kur Macron pritet në një farë forme të marr timonin në procesin e integrimeve evropiane të Ballkanit Perëndimor e dialogut Kosovë-Serbi.

Partnerja kryesore në këtë proces e presidentit, kancelarja e Gjermanisë Angela Merkel, pas gjashtëmbëdhjetë vjetëve në pushtet përfundon lidershipin e shtetit e Bashkimit Evropian.

E Macron rikandidon për të mbetur president në zgjedhjet e prillit 2022.

“Macron e analizon Ballkanin duke shikuar rrethanat politike të brendshme të Francës. Ai mendon se do të jetë I rizgjedhur vitin e ardhshëm vetëm nëse përballet me Marine Le Pen nga e djathta ekstreme. Kështu ai mendon për çështje të migracionit vazhdimisht” tha eksperti

francez për Ballkanin,Sebastien Gricourt.

Po sipas Gricourt ky qëndrim po frenon edhe vendimin e Parisit që të përkrah liberalizimin e vizave për Kosovën.

“Ky është një gabim tjetër në njëfarë mënyre Franca me gjithë ri investimin në Ballkan, ka një qasje që vuan nga kredibiliteti”

Për dialogun kosovaro-serb kryetari i francezëve në muajin shkurt tha se Franca përkrah zgjidhje që i quajti kreative.

“ Kjo është indikator se Franca është e hapur përtej opsioneve që I kemi pa në tavolinë dhe përtej asaj që është arritur deri tash” tha Donika Emini, drejtore ne Platformën “CIVIKOS”

Më 2019 Republika e Francës pati bërë një Strategji për Integrimin e Ballkanit Perëndimor por rezultate konkrete nuk pati.

Angazhimi më serioz i Macron bashkë me Merkel në raport me integrimin në BE të rajonit enkas për shtytjen e dialogut Prishtinë-Beograd ishte Samiti në Berlin më 29 Prill 2019.

Kosovën në atë ngjarje e kishin përfaqësuar presidenti Hashim Thaçi e kryeministri Ramush Haradinaj.

Related Articles

Leave a Reply

Back to top button