Lajmet e funditVendi

Burri i presidentes Osmani merr udhëheqjen e Ambasadës në Shkup

Bashkëshorti i presidentes Vjosa Osmanit, Prindon Sadriu, pas formimit të qeverisë së Albin Kurtit dhe shkarkimit të ambasadorëve politikë me dekret të presidentes, është duke udhëhequr me Ambasadën e Kosovës në Maqedoninë e Veriut. Këtë e ka konfirmuar vetë Prindon Sadriu.

Me largimin e Gjergj Dedajt nga kjo ambasadë, shef i misionit diplomatik të Kosovës në Maqedoni në cilësinë e të ngarkuarit me punë është bashkëshorti i presidentes Osmani, Prindon Sadriu, shkruan Demokracia.com.

Përmes rrjetit social në “Twitter”, Prindon Sadriu e konfirmon se po qëndron në këtë pozitë, derisa as presidentja dhe as ai asnjëherë nuk janë përgjigjur për këtë vendim.

Kujtojmë që Prindon Sadriu është diplomat i karrierës në Ministrinë e Punëve të Jashtme. Ai në pozitën e zëvendës-shefit të misionit të Kosovës në Maqedoni ishte emëruar në korrik të vitit 2019, i cili mbanë gradën e ministrit në shërbimin diplomatik të Kosovës.

Muajin e kaluar, me anë të dekreteve Osmani ka shkarkuar 12 ambasadorë të Kosovës nëpër botë me arsyetimin se janë të emëruar politikisht.

Burri i presidentes osmani merr udhëheqjen e ambasadës në shkup
Burri i presidentes osmani merr udhëheqjen e ambasadës në shkup » lajmet e fundit - arenamedia & production - arenamedialetv

Related Articles

Leave a Reply

Back to top button