Lajmet e funditRajoni

Një grup deputetësh nga Komisioni i Rithemelimit tentojnë të hyjnë brenda, dyert e PD të mbyllura

Një grup deputetësh nga Komisioni i Përkohshëm i Rithemelimit të Partisë Demokratike kane shkuar në selinë blu, ndërsa sot është afati i fundit i vendosur nga ta që kryetari Lulzim Basha të lirojë zyrën e tij.

Flamur Noka, Edmond Spaho, Luan Baci, Tritan Shehu kanë shkuar në selinë e PD ku kanë tentuar që të hyjnë në seli përmes derës kryesore, por kanë parë se ajo ka qenë e mbyllur.

Më pas ata kanë kërkuar informacione nga gazetarët, nëse këta të fundit janë futur apo jo në seli. Fill pas këtij veprimi, deputetët kanë provuar që të hyjnë në seli edhe nga dyert e tjera që ndodhen nga pas, por dhe ato kanë qenë të mbyllura.

Noka: Nga hyhet se qenka mbyllur dera? A keni hyre brenda ju?

Teksa u pyet nga gazetari i ‘News24’ Osman Stafa nëse kishin ardhur në seli për të provuar dyert, Noka tha se kishte qenë pikërisht ai dhe zoti Berisha që kishin firmosur që kjo godinë t’i kalonte PD-së.

“Kjo seli me firmën time e të Sali Berishës ka qenë. Kam ardh për të hyrë në seli ku jam deputet prej sa vitesh e anëtar i kësaj partie që në themelim”, tha Noka.

Related Articles

Leave a Reply

Back to top button