BotaLajmet e fundit

CIA në alarm: Dikush po ekzekuton informatorët tanë nëpër botë

Një kabllogram i CIA-s i botuar së fundi nga gazeta New York Times, nxjerr në pah problemin e madh që ka pllakosur agjensinë amerikane të inteligjencës prej disa kohësh.

Dhjetëra agjentë të saj, e sidomos informatorë janë burgosur apo ekzekutuar në pikat më të nxehta të globit, dhe dyshimet kryesore janë ato të një loje të dyfishtë.

Kabllograma specifikon numrin e informatorëve të zhdukur, e kjo është shumë e pazakontë për agjencinë, çka dëshmon qartë se çështja është më urgjente nga sa mund të mendohej.

Këto dekadat e fundit, fokusi i aksionit amerikan të kundërspiunazhit ka qenë lufta kundër organizatave terroriste në Lindjen e Mesme, e kjo ka bërë që të lihen disi jashtë vëmendjes sektorë tradicionalisht të mbuluar si Rusia dhe Kina, të cilët janë bërë më problematikë në raport me rekrutimin, raporton TCH.

Kabllograma e pranon se CIA nuk ka shkëlqyer shumë në drejtim të rekrutimit kohët e fundit. Avansimi i madh i teknologjisë nga ana tjetër ka bërë që hendeku mes Amerikës e vendeve të tjera sa i takon modernizimit të inteligjencës të zvogëlohet.

Nga ana tjetër, edhe hakerat në vendet rivale po dëshmohen një problem. Në të paktën dy raste ata kanë zbuluar mesazhet e koduara e kjo bëri që dy informatorë në Iran dhe Kinë të kapeshin e të ekzekutoheshin.

Related Articles

Leave a Reply

Back to top button